कुमाउनी समाचार बुलेटिन में अगर आपुं लोग लै क्वै खबर या सूचना दि सकछा आपुं लोग हिन्दी कुमाउनी में खबर भेज सकछा। केवल व्हाट्सएप करिया- 7409439937. आजाक मुख्य समाचार।
•धूमधाम क दगड़ मनाईं जाणौ कृष्ण जन्माष्टमी क त्यार जाग जाग निक ई कलश यात्रा जनार घरों में नान नानतिन छन उनूंल राध कृष्णाक कपड़ पैरा बैर खैंची फोटो।
• मौसम विभाग ल नैनीताल, चंपावत, उधम सिंह नगर, देहरादून जिल्लों लिजी भोव कति -कति सकर द्यो हुणैकि संभावना जतै राखि और बागेश्वर,चमोली, देहरादून नैनीताल जिल्लाक लिजी पोरीहीं 20 आगस्तक यलो अलर्ट जारी कर राखौ।
•दूरसंचार विभाग ल 5 जी सेवाओंक बाट ख्वलते हुए दूरसंचार ऑपरेटरों कैं स्पेक्ट्रम बांटि हालैं, केंदीय संचार और सूचना प्रौद्योगिकी मंत्री अश्विनी वैष्णव ल बता कि स्पेक्ट्रम असाइनमेंट क लिजी पत्र जारी करि हालैं।
•पौड़ी जिल्लाक कोटद्वार में गढ़वाल मंडल क 7 जिल्लोंक लिजी अग्निपथ योजना अंतर्गत अग्निवीरोंक भर्ती भोव बटि शुरू है जालि भर्ती में पैल दिन चमोली जिल्लाक ज्वान आपण जोर दिखाल, प्रशासन द्वारा भर्ती क ठौर रूण खाणैकि व्यवस्था पुर कर है।
• आज उत्तराखंडक स्व इंद्र मणि बडोनी क पुण्यतिथि छु य मौक पर मुख्यमंत्री धामी ल बडोनी के फूल चढ़ाईं और कौ कि पहाड़ाक विकास और उत्तराखंड राज्य बणून बखत स्व बडोनी क योगदान कबै भुलि न सकीन।
•उत्तराखंड अधीनस्थ सेवा चयन आयोग क पेपर लीक मामुल में एसटीएफ कैं आज एक और ठुल सफलता मिल रै उत्तरकाशी क बड़कोट क रूणी अंकित रमोला गिरफ्तार हैगो य मामुल में ऐल तलक 19 गिरफ्तार है गईं
