आजाक मुख्य समाचार।
•उत्तराखंडाक कई जिल्लन में आज उरातार द्यो भो लोग बागनकैं बहुत परेशानी भै उत्तरकाशी में पैर पखाड़ आ कदुकै बाट रोड बंद है पड़िं, तमिलनाडु बटि गंगोत्री धाम में दर्शन करण आई एक श्रद्धालु गंग न्हाण में बगि पड़ौ।बचाव दल चाण चितूण में लागि रौ।
•मुख्यमंत्री पुष्कर सिंह धामी ल दिल्ली में क्रिकेटर ऋषभ पंत कैं उत्तराखंडक ब्रांड एंबेसडर क रूप में सम्मानित करौ, मुख्यमंत्री ल कौ कि जो हिसाबैल पंत सामान्य परिस्थिति बटी इतु अघिल तक पुजौ वी बटि भौत कुछ सिकणै तैं मिलूं।
राष्ट्रपति द्रोपदी मुर्मू ल राष्ट्रपति भवन में नईं उपराष्ट्रपति जगदीप धनखड़ कैं पदैकि शपद दिलै।
जगदीप धनखड़ देशाक चौदूं उपराष्ट्रपति बणि रयीं।
रक्षाबंधनाक मौक पर राज्य सरकार द्वारा घोषित उत्तराखंड परिवहन निगमाक बसों में निशुल्क यात्रा आजाक लिजी छि। हालांकि भौत जाग रक्षाबंधन भो मनाईं जाणैकि लै बात सामणि में उणैं
