आजाक मुख्य समाचार।
बागश्यर जिलाक पर्यावरण प्रेमी किशन सिंह मलड़ा ज्यूल य बार रक्षा बंधन कुछ अलग ढंगैल मना मलड़ा ज्यूल आपड़ देवकी लघु वाटिका में बोट डावन कैं रक्षा सूत्र बांधि बैर मंत्रोच्चार ले करवा।य काम में उनर पड़ोसी और परिवार लोग शामिल छी।
मुख्यमंत्री धामी ज्यू आज देवीधुर बग्वाल में पुजि वां उनिल मां बाराही क दर्शन करि और वां एकबटि रयी मैंसों कैं संबोधित करो।य मौक मुख्यमंत्री द्वारा देवीधुर यूं पुलिस चौकी बणूनक बचन दियी गो
आजादीक अमृत महोत्सव धीरे धीरे आपण रंग में उण लागि रौ गौं गौं घर घर आब जाग खूब तिरंगा झंडा फहराई जाणि। और आजादी अमृत महोत्सवाक मौक पर नेता और राजनितिक दल चुनावोंकि जसि बयान बाजी करणीं और बेरोज़गारी महंगाई जस मुद्दों बटि जनता ध्यान भटकै दिणयीं।
मंहगाई मंहगाई सबै जाग महंगाईक हकाहाक हैरै य बीचै टाटा लूण वालानाक तरफ बटिक संकेत मिलणयी की आब टाटा लूण लै महंग होल, कुछ दिन बाद नई कीमत पत्त चलि जालि,य बखत टाटा लूणक सबसे सस्त लूण 25 रूपैं मैं मिलणौ सुणन में उणैं कि य 28 रूपैंक है जाल
