आजाक मुख्य समाचार ।
•केन्द्र सरकारैल कर हस्तांतरण व्यवस्था क तहत राज्यों कैं द्वि किस्तों में 16 हजार करोड़ रूपैं हेबै सगैर राशि जारी कर है,जमैं उत्तराखंड सरकार कैं 1 हजार 3 सौ4 करोड़ रूपैं हेबै सगैर मिल रयीं ।
वित्त मंत्रालय द्वारा बताई गौ कि राज्यों कैं उनार पूंजीगत और विकास कार्यों लिजी खर्च करणेकि स्थिति मजबूत करणाक लिजी केन्द्र सरकार कर हस्तांतरणाक बाट में हिटणै।
•केदारनाथ धाम में रक्षाबंधन है पैली आयोजित हुणी भतूज म्याल जकैं अन्नकूट म्याल लै कयी जां वीक सब तैयारी पुर हैगै।आज ब्याव बखतैकि आरती बाद ज्योतिर्लिंग कैं भातैल ढकि जाल और रात द्वि बाजि बटि रत्तै चार बाजि तक श्रद्धालु यैक दर्शन कराल,वीक बाद में य भातक भोग कैं मंदाकिनी में स्यवाई जाल । मान्यता छू कि भगवान शिवजी नयी अनाज बटि जहर कैं जनकल्याणक लिजी आपण भतर समाहित कर ल्हिनि।
•आज पहाड़ों मे कति हल्क त कति भौत बारिश भै जाग जाग रोड टुटणयी और बाट घाट बंद है जाणयीं यास मौसम में यात्रा करण खतर मोल ल्हिण छू,जदु है सकूं पहाड़ में अगर जरूरी न्हाति यात्रा करण है बचिया।
आजादीक अमृत महोत्सवाक मौक पर कुमाउनी भाषा साहित्य एवं प्रचार समिति अल्मोड़ा कुमाउनी पाठकों लिजी खास धमाका ऑफर ल्हिबैर आरै जमें कुमाउनी भाषाक जानि मानि 15 लेखवारोंक 15 कुमाउनी कहानी संग्रह मात्र 1000₹में प्राप्त कर सकीं
