आजाक मुख्य समाचार।
•आज मुख्यमंत्री पुष्कर सिंह धामी ल आपण विधानसभा क्षेत्र चंपावत में छन वां मुख्यमंत्री धामी ल चंपावत के गोलज्यू मंदिर जाणिं बाट में बणाई मुख्यमंत्री कैंप कार्यालय क उद्घाटन करौ।
•उत्तराखंड अधीनस्थ सेवा चयन आयोग परीक्षा लीक मामुल में आज उत्तरकाशी जिल्लाक नैटवाड़ इंटर कालेज में पढ़ूनी मास्टर तनुज शर्मा कैं गिरफ्तार करि रौ, और एसटीएफ द्वारा तनुज शर्मा क गिरफ्तारी कैं पेपर लीक मामुल में एक ठुलि सफलता बताई जाणौ।
•बेरोजगार ज्वानोंक भविष्य दगड़ मजाक करणी उत्तराखंड अधीनस्थ सेवा चयन आयोग क सचिव संतोष बडोनी कैं आज सचिव पद बटिक निकाल हालौ उनार बदाव में सुरेंद्र सिंह रावत कैं आब सचिव पदैकि जिम्मेवारी दि राखी।
•आजादीक अमृत महोत्सवाक अंतर्गत हर घर तिरंगा अभियान आज 13 तारिक बटि पुर जोरशोर में शुरू हैगो जाग जाग स्कूली नांनतिनोंल प्रभातफेरी निकाली और गौं घरन में लै लोगोंल आपण आपण घरों में तिरंगा लगा बैर शोशल मीडिया में फोटो डालि।
उत्तराखंड अधीनस्थ सेवा चयन आयोग में लम्ब समय बटि खाली चल रई पद परीक्षा नियंत्रक पर आज डॉ शालिनी नेगी क नियुक्ति हैगै आब य मानि जाणौ कि सरकार बिरोजगार ज्वानों बार में जरूर स्वैचैलि और जल्दी परीक्षा आयोजित करै बैर ज्वानोंक भल करैलि।
