आजाक मुख्य समाचार।
•मुख्य सचिव डॉ.एस.एस.संधु ल आज देहरादून में भूपाल सिंह मनराल कैं उत्तराखंड सेवाक अधिकार आयोगक आयुक्त रूप में शपथ दिलै ।
•जम्मू कश्मीर में आईटीबीपी क चौथूं और पचूं बटालियनाक जवानों कैं ल्हिजाणी एक बस दक्षिण कश्मीराक अनंतनाग जिल्लाक पहलगाम में दुर्घटना ग्रस्त है पड़ी बस में आईटीबीपी क 39 जवान और जम्मू कश्मीर पुलिसाक द्वि जवान सवार छी बस जम्मू जाण लाग रै।
•मौसम विभागाक मुताबिक पछिल 24 घंट में मानसून कमजोर हैरो, सोमवारक दिन राज्याक कुछ जिल्लन में द्यो भो और कई जागन बादव लागि रयीं उणी 72 घंटों में मौसम सामान्य रौल,18 अगस्त में नैनीताल और बागश्यर जिल्ल में कति कति सकर द्यो हुणैकि संभावना जताई जाणैं और मौसम विभाग द्वारा यलो अलर्ट जारी करि रौ।
•पहाड़ी क्षेत्रों में सातूं आठूंक तैयारी शुरू हैगै और आज बिरूड़ पंचमीक दगड़ य परबीक शुरूवात हैगै आज 7 अनाजोंकि कुटुरी और बिरूण भिजूणाक लिजी धरि हालि।पोरतैं सातूंक बर्त व्हल।
•आज घ्यू त्यार लै छू आज राति में य त्यार मनाई जाल घ्यू त्यार खवै पिवै वाल त्यार छू पैलि,आज घ्यू खाण जरूरी हूं।भोव संगरात छू और मंदिरों में ओग चढ़ाई जाल।
